1 Արդ ի՞նչ է Հրէայի առաւելութիւնը, կամ ի՞նչ է թլփատութեան օգուտը։ 2 Շատ, ամեն կերպով. Առաջ հէնց նա ա որ Աստուծոյ պատգամները նորանց հաւատացուեցան։ 3 բ Բայց ի՞նչ. Եթէ ոմանք չ’հաւատացին, գ մի՞թէ նորանց անհաւատութիւնն Աստուծոյ հաւատքը կ’խափանէ. դ քաւ լիցի։ 4 Արդ թող ե Աստուած ճշմարիտ լինի, զ իսկ ամեն մարդ սուտ. Ինչպէս գրուած է, է Որ արդար լինես քո խօսքերումը, եւ յաղթես քո դատուելումը։ 5 Բայց եթէ մեր անիրաւութիւնն Աստուծոյ արդարութիւնը յայտնի երեւացնում է, ի՞նչ ասենք. Մի՞թէ անիրաւ է Աստուած, որ բարկութիւնը բերում է։ 6 ը Մարդի կերպով եմ ասում, քաւ լիցի. թ ապա Աստուած ի՞նչպէս կ’դատէ աշխարհքը։ 7 Որովհետեւ եթէ Աստուծոյ ճշմարտութիւնն իմ ստութիւնովն աւելացաւ նորա փառքի համար, էլ ի՞նչու եմ ես մեղաւորի պէս դատվում։ 8 Եւ ի՞նչու համար այնպէս չ’անենք ինչպէս չարախօսվում ենք, եւ ինչպէս ոմանք ասում են մեզ համար, թէ ասում լինինք, թէ ժ Չար գործենք՝ որ բարին գայ. Որոնց դատաստանը արդար է։
9 Եւ հիմա ի՞նչ. Աւելի՞ ենք. Ամենեւին ոչ. Որովհետեւ առաջ մեղադրեցինք Հրէաներին եւ հեթանոսներին, ի թէ ամենքը մեղքի տակ են. 10 Ինչպէս որ գրուած է, թէ լ Արդար չ’կայ՝ մէկն էլ չ’կայ։ 11 Չ’կայ իմացող, չ’կայ Աստուծուն խնդրող, 12 Ամենքը խոտորեցան, միասին անպիտան եղան. Չ’կայ բարութիւն անող, մինչեւ մէկն էլ չ’կայ։ 13 խ Նորանց կոկորդը բաց գերեզման է, եւ իրանց լեզուներովը նենգութիւն են անում. ծ իժերի թոյն կայ նորանց շրթունքների տակ։ 14 կ Որոնց բերանը անէծքով եւ դառնութիւնով լիքն է։ 15 հ Որոնց ոտները շուտագնաց են արիւն թափելու համար։ 16 Կործանում եւ թշուառութիւն է նորանց ճանապարհներումը։ 17 Եւ խաղաղութեան ճանապարհը չ’ճանաչեցին։ 18 ձ Աստուծոյ երկիւղը նորանց աչքերի առաջին չէ։ 19 ղ Բայց գիտենք, թէ ամեն ինչ որ օրէնքն ասում է նորանց է ասում, որ օրէնքի տակ են. ճ որ ամեն բերան խփուի, եւ մ բոլոր աշխարհք Աստուծոյ առաջին դատապարտ լինի։ 20 յ Որովհետեւ օրէնքի գործերիցը ոչ մի մարմին չի արդարանալ նորա առաջին. Որովհետեւ ն օրէնքովը լինում է մեղքի գիտութիւն։
21 շ Բայց հիմա առանց օրէնքի Աստուծոյ արդարութիւնը յայտնուած է, ո օրէնքից եւ չ մարգարէներից վկայուած լինելով. 22 Այսինքն Աստուծոյ արդարութիւնը որ պ Յիսուս Քրիստոսի հաւատքիցն է, այն ամենի համար եւ ամենի վերայ, որ հաւատում են. ջ որովհետեւ խտրութիւն չ’կայ։ 23 ռ Որովհետեւ ամենքը մեղանչեցին, եւ Աստուծոյ փառքիցը պակասուած են. 24 ս Ձրի են արդարանում նորա շնորհքովը՝ վ այն փրկութեան ձեռովը՝ որ Յիսուս Քրիստոսումն է։ 25 Որին Աստուած առաջուց սահմանեց տ քաւութիւն լինելու համար ր հաւատալով նորա արիւնովը, որ իր արդարութիւնը ցոյց տայ՝ այն ց առաջուց գործուած մեղքերի ւ թոյլտուութեան համար՝ Աստուծոյ ներելու ժամանակին։ 26 Որ իր արդարութիւնը երեւացնէ այս ժամանակումը. Որ ինքն լինի արդար եւ արդարացնող նորան՝ որ Յիսուսի հաւատքիցն է. 27 փ Հիմա ո՞ւր է պարծանքը. Խափանուեցաւ. Ո՞ր օրէնքով, գործերի՞ օրէնքովը. Ոչ, այլ հաւատքի օրէնքովը։ 28 Ուրեմն համարում ենք, ք որ մարդը հաւատքով է արդարանում առանց օրէնքի գործերի։ 29 Մի՞թէ Աստուած միայն Հրէաներինն է, եւ հեթանոսներինն էլ չէ. Այո, հեթանոսներինն էլ է։ 30 օ Որովհետեւ մէկ Աստուած է՝ որ արդարացնում է թլփատութիւնը հաւատքից եւ անթլփատութիւնը նոյն հաւատքովը։ 31 Արդ մի՞թէ օրէնքը խափանում ենք հաւատքովը. Քաւ լիցի. Այլ օրէնքը հաստատում ենք։
Հռովմեացիս 3